Etter Lostisland si dramatiske utmelding av handelsunionen Inter-Micronational Treaty Organisation har det herska stor spenning rundt spørsmålet om korleis det ville gå med dei. Midt i stormauget er det mykje som kan hende ein liten stat. Heldigvis for Lostisland ser dei ut til å gå styrka ut av konflikta som førte til IMTO si nedlegging - dei seinare dagane har dei inngått venskaps- og samarbeidsavtalar med tre nye mikrostatar. Desse er Flandrensis, Pristinia og nå den nylegaste nemlig Indokistan.

Smånytt pustar letta ut, ønsker lykke til på ferda til alle dei involverte og ventar spent på kva som skal erstatte IMTO.

Den internasjonale mikrostatshandelsorganisasjonen Inter-Micronational Treaty Organization blei offisielt oppløyst 11. april etter at Lostisland trakk sitt medlemskap. Hendinga fann stad etter det som blir skildra som eit særs ufint forsøk frå organisasjonen sin leiar på å gjere IMTO om til ei veneforening for dei han sjølv ville ha med. Då Lostisland sin kapteinregent, Yaroslav Mar, blei klar over hendingane, braut han straks all kontakt med organisasjonen. "there is no place for the Republic of Lostisland in an organization which is lead by a person who starts a dubious ventures in order to smoke us out", seier Mar på Lostisland si regjering si side om saka.

Dette er andre gang IMTO har vore forsøkt oppløyst grunna intrigar bland medlemmane. Første gang var i januar 2012 - eit forsøk som blei avvist av fleirtalet av medlemmane. Organisasjonen har dog aldri klart å hente seg inn att etter denne stormen, og har no opphøyrt å eksistere.